Ujumbe wa Karibu
THE HOSPITAL WELCOME NOTE
Tangu kuanzishwa kwake na Serikali ya Jamhuri ya Muungano wa Tanzania tarehe 13 Oktoba 2015, Hospitali ya Benjamin Mkapa imekuwa mstari wa mbele katika utoaji wa huduma za kisasa za afya. BMH ni taasisi ya umma ya ngazi ya juu, ya rufaa na ya mafunzo ya chuo kikuu, yenye lengo la kushughulikia mahitaji ya huduma za afya za juu na za kitaalamu nchini Tanzania na barani Afrika. Huduma hizi hutolewa kwa kutumia vifaa vya kisasa vya uchunguzi wa hali ya juu, wataalamu waliobobea, na matibabu ya kisasa.
Hospitali hii iko Dodoma, mji mkuu wa Tanzania, na ndiyo hospitali kuu ya serikali inayohudumia wakazi wapatao milioni 14. BMH iko chini ya Wizara ya Afya na inashirikiana kwa karibu na Chuo Kikuu cha Dodoma. Pia ina ushirikiano mpana na taasisi mbalimbali barani Afrika, Ulaya, Mashariki ya Kati, Asia na Amerika.
Tunatoa huduma bora za afya za kitaalamu na za juu kabisa ambazo awali hazikuwepo nchini, kwa kutumia sayansi ya kisasa. BMH inamiliki vifaa vya kisasa kama vile mashine za CT Scan, MRI, na Maabara ya Upimaji wa Moyo kwa kutumia Catheter.
Mbali na huduma za kawaida za kitaalamu, tunatoa matibabu ya kina ya magonjwa ya figo na upandikizaji wa figo, upandikizaji wa uboho na huduma za hematolojia, upandikizaji wa uume, huduma za moyo na upasuaji wa moyo wazi, upasuaji wa ubongo, mifupa na majeraha, saratani, mionzi ya tiba, tiba ya nyuklia, pamoja na upasuaji wa kutumia vifaa vya ndani (laparoscopic na endoscopic).
Mbali na huduma za kitabibu, tunatoa mafunzo ya udaktari kwa ngazi ya chuo kikuu, tunafanya tafiti na kutoa ushauri wa kitaalamu. BMH pia inahudumia watalii wa afya kutoka nchi mbalimbali za Afrika.
Mkrugenzi Mtendaji
Hospitali ya Benjami Mkapa, Dodoma-Tanzania.