Majukumu ya FETA

Majukumu makuu ya FETA ni kutekeleza malengo ya maendeleo ya uvuvi wa kuvua na ufugaji samaki kama yalivyoelezwa katika Sera na Mkakati wa Taifa wa Sekta ya Uvuvi (1997). Hasa, majukumu na kazi za Wakala ni pamoja na:

i. Kutoa elimu na mafunzo katika sayansi na teknolojia za uvuvi, ufugaji samaki, usimamizi wa uvuvi na nyanja zinazohusiana.
ii. Kusambaza ubunifu na uvumbuzi katika uvuvi, ufugaji samaki na nyanja zinazohusiana.
iii. Kutoa huduma za ushauri na ugani katika uvuvi, ufugaji samaki, usalama wa vyombo vya uvuvi na teknolojia zinazohusiana.
iv. Kufanya tafiti shirikishi katika sayansi ya uvuvi, ufugaji samaki na nyanja zinazohusiana.
v. Kuzalisha samaki, vifaranga na chakula cha samaki.
vi. Kutengeneza boti za uvuvi, nyavu na miundombinu ya ufugaji viumbe kwenye maji.
vii. Kukuza biashara ya samaki na biashara za ufugaji viumbe kwenye maji.
viii. Kufanya kazi zingine ili kuhakikisha uendelevu wa Wakala.