Maeneo ya kipaumbele ya kufadhiliwa na Mfuko wa Misitu Tanzania ni yale yanayolenga kuhifadhi na kusimamia misitu kwa uendelevu. Kwa kuzingatia majadiliano na wahojiwa pamoja na mapitio ya nyaraka mbalimbali hususan Sera ya Taifa ya Misitu, masuala yanayopaswa kushughulikiwa ni pamoja na usimamizi wa ardhi ya misitu ili kuhakikisha upatikanaji endelevu wa mazao na huduma kwa kudumisha eneo la misitu la kutosha chini ya usimamizi madhubuti; kuimarisha viwanda na mazao ya misitu; kuhakikisha uhifadhi na usimamizi wa mfumo ikolojia pamoja na kuongeza uwezo wa kitaifa wa kusimamia na kuendeleza sekta ya misitu kwa kushirikiana na wadau wengine.